Virkni 

​​

Tenging við tæki skipsins

Strandvari tengist eftirfarandi tækjum í skipinu:

- GPS-tæki til að fá staðsetningu, hraða og stefnu.
​- AIS-tæki til að fá upplýsingar um önnur skip í nágrenninu, þ.e. staðsetningu þeirra, hraða og stefnu

- Dýptarmæli.

- Áttavita.

Tækið virkar þótt það fái aðeins merki frá AIS. Það virkar einnig þótt það fái aðeins merki frá GPS, en þá er ekki varað við árekstri við önnur skip.

​

Einfalt viðmót

7“ skjár sýnir staðsetningu skipsins.

Skjárinn er snertiskjár en yfirleitt er ekki þörf á að nýta sér það.

Myndin á skjánum er teiknuð út frá GPS-hnitum fyrir strandlengjuna.

Þó að myndin sé einföld miðað við myndir í siglingatækjum skipsins, þá sýnir hún rétta mynd af strandlengjunni og er ágætt mótvægi við mynd í plotter sem byggir á kortagrunni.

​

Einfalt í notkun

Tækið er aðeins með 2 hnappa:
- Stöðva hljóðmerki; rautt ljós blikkar í hnappnum þegar hættuástand varir.
- Snúningshnappur; til að stilla ýmsa þætti á auðveldan hátt, t.d. viðbragðstíma, þ.e. hversu snemma eigi að gefa hljóðmerki þegar hætta kemur upp.

​

Samskiptastaðlar

Tækið getur tekið við merkjum samkvæmt ýmsum stöðlum eins og RS422, RS232 og RS485.
 

NMEA0183

Strandvari getur notað NMEA0183-tengingu,  en slíkar tengingar voru allsráðandi á markaðnum til skamms tíma. Það eru hefðbundin serial-samskipti samkvæmt RS422 staðlinum sem er sambærilegt við RS232 en er ónæmara fyrir truflunum. Þá er Strandvari tengdur við hvert tæki með sér leiðslu.

 

NMEA2000
Strandvari getur einnig notað NMEA2000-tengingu, en það hefur verið að ryðja sér til rúms á síðustu árum, sérstaklega í minni bátum. Þá þarf aðeins eina tengingu inn á CAN-bus til að ná í öll merki og samskiptahraðinn er umtalsvert meiri.